ڕاپەڕیوم [Rapariwm] lyrics

ڕاپەڕیوم وا لە کۆڕی بەزمی تێکۆشانەوە

شان بە شانی ڕۆڵەکانی نیشتمانی جوانەوە

من لە نێو جەرگەی خەبات و شۆڕشی بێ پایانەوە

سەر لە پێناوم لە خزمەت خاکی کوردستانەوە

هەڵگری بەیداخی سووری ڕێی شەهیدانم ئەمن

چۆمی خوڕێنی بەهارانم پشوودانم نیە

بێ وچان هەروا دەهاژێم و هەدادانم نیە

من شەپۆلی سەرکەشی دەریام و ئارامم نیە

گەر بە سەربەستی نەژیم من ، ژینی پەستیم بۆ چیە ؟

هاژە هاژی قەڵبەزەی بەفراوی کوێستانم ئەمن

شێری مەیدانی نەبەرد و ڕاپەڕینم هەر بە گووڕ

من بە نرکەم دادەخورپێنم دڵی دوژمن لە پــڕ

وێنەیی دارەبەنی پیرم بەدەم کوێستانی چـــڕ

بازی بێ پەروام ئەمن ، پیرە هەڵۆم ، هەر بەرزە فــڕ

وەک برووسکە و گرمەیی هەوری بەهارانم ئەمن

شێعری مامۆستا عەبدولخالق نەقیب 

• Artist:Sirûdî Kurdî / Sirûda Kurdî