Ravistettava ennen käyttöä [Lombard translation]

Mì soo nò se i alter pòden vess d'accord con mì:

i mè opinion hinn tucc on poo special.

Soo nò 'me se fà a segnà giò 'sta linea chì

che la separa el stran del minga normal?

Forsi che vun el dev pensa nò inscì,

ma gh'è dii alter robb che mì pensi mal!

A gh'è dii problem in mì,

on quaj sbaj in del mè programma chì:

a ghe manca on tocchell

restaa voeuj dent in del mè cervell.

El par quasi che l'autor el s'è desmentegaa

de scriv giò "agità primma de doprà".

Me piasaria tornà indree per vess divers,

al temp che vorevi vess 'me adess.

Ma l'è passaa che 'l par che l'è mila ann.

De bott el jer l'è diventà doman.

A l'è difficil sopportà sto pes,

ma vun el pò anca abituàss!

A gh'è dii problem in mì,

on quaj sbaj in del mè programma chì:

a ghe manchen dii pezz,

e mì 'l riempi coi mè scontentezz.

El par quasi che l'autor el s'è desmentegaa

de scriv giò "agità primma de doprà".

Ma poeu 'l vegn el dì che mì metti tutt a post:

cambi vun a vun i sbaj, e tutt quel ch'hoo faa.

Quasi ghe credi anca mì...

ma soo minga se l'è inscì.

A gh'è dii problem in mì,

on quaj sbaj in del mè programma chì:

a gh'è nò tuscoss dent,

e mi 'l riempi col mè malcontent.

A gh'è dii problem in mì,

on quaj sbaj in del mè programma chì:

dii volt manchen istruzion

e mì i riempi de insoddisfazion.

El par quasi che l'autor el s'è desmentegaa

de scriv giò "agità primma de doprà".

• Artist:Apulanta
• Album:Kuutio