Àrbere ‘e purtualle [Italian translation]

Àrbere ‘e purtualle e mandarine,

d’o viérno site vuje giòia e ricchézza:

ca mèntre tutt’e ffrónne ‘int’e ciardine

se fanno gialle e pèrden’a frischézza,

vuje culurite ‘e frutte d’óro fine,

e suspirà facite p‘a prijézza.

Intanto ‘e vvite, ‘e rròse, ‘e giesummine,

e ll’ati ppiante mòrene ‘e tristézza!

Succède ‘a stéssa còsa ʼncòpp’o munno.

‘O ricco, cómm’o pèro ‘e purtualle,

cu na bòna pelliccia ‘ncòpp’e spalle,

tutto cuntento, bèllo, chiatto e tunno,

rire ‘nfaccia a chi campa strapazzato,

sbattuto, cómm’a n’àrbero sfrunnato!

• Artist:Pasquale Cinquegrana