Renato Carosone - Luna rossa

Vaco distrattamente abbandunato

Ll'uocchie sott' 'o cappiello annascunnute

Mane 'int' 'a sacca e bávero aizato

Vaco siscanno ê stelle ca só asciute

E 'a luna rossa mme parla 'e te

Io lle domando si aspiette a me

E mme risponne: "Si 'o vuó sapé

Ccá nun ce sta nisciuna"

E i' chiammo 'o nomme pe' te vedé

Ma, tutt' 'a gente ca parla 'e te

Risponne: "E' tarde che vuó sapé?

Ccá nun ce sta nisciuna"

Luna rossa

Chi mme sarrá sincera?

Luna rossa

Se n'è ghiuta ll'ata sera

Senza mme vedé

E io dico ancora ch'aspetta a me

For' 'o balcone stanott'ê ttre

E prega 'e Sante pe' mme vedé

Ma nun ce sta nisciuna

Luna rossa

Chi mme sarrá sincera?

Luna rossa

Se n'è ghiuta ll'ata sera

Senza mme vedé

E io dico ancora ch'aspetta a me

For' 'o balcone stanott'ê ttre

E prega 'e Sante pe' mme vedé

Ma nun ce sta nisciuna

• Artist:Renato Carosone
• Album:ciucciariello / Luna rossa (1951)