Ùrnaigh na Ban-Tigrich lyrics

M'athair 's mo Dhia, dèan Thus' ar dìon,

Mi fhèin 's mo naoidhean beagan mhìos;

Gur gann an t-uisg' 's gur gann an sìol -

Sinn creuchdach, acrach, brùite, piant'.

'Adhlaichte an-diugh mo luaidh,

'S nach aithnich mise uaigh seach uaigh:

Measg mhiltean 'n Tigre tha e na shuain -

Coimhead Thusa, a Thighearna, oirnn le truas

Sinn fannachadh le teas na grèin'

Nuair dh'éireas i an àird sna speur';

Sinn ga ar meileachadh le fuachd

Meadhan-oidhch', 's ar sgeadachadh cho truagh.

An tig, a Thighearna, uisge trom

A bheir a-mach toradh bhon talamh lom?

Cùm rium mo chreideamh annad fhèin,

Na canar: 'n do thréig thu mi, mo Dhia?

Cheus riaghaltas eile Crìosd air crann

'S tha luchd-bréig gar biathadh gu teann

Dòirt nuas do mhaitheas chaoimh, a Dhè -

Na leig an tàir buannachd uile gu lèir.

• Artist:Karen Matheson