S. Antuninu calati calati lyrics

E Sant'Antoninu calati calati

Ca jù l’annacu e vui l’addummisciti... vo

E si nun dormi beddu lu capizzu

Ti pigliu pi li pedi e t’arrumazzu... vo

E quannu veni la festa di lu munti

T’aja cattari tanti cosi, tanti... vo

O si po’ o nun si po’

Lu vistiteddu pi San Calò

E allu parrinu ci l’ama a diri

Chi l’avia purtari ni lu varberi

Moru ch’è beddu, moru ch’è granni

Quannu crisci và a ccatta la carni

Masculu e beddu

Ci l’ama a diri, alla raggia di li vicini

O si po’ o nun si po’

Lu vistiteddu pi San Calò

• Artist:Rosa Balistreri
• Album:La cantatrice del sud (1973)