Sa menzus cosa [English translation]

Nara canta zente as bidu,

cantu as caminadu

prima de torrare in cust’ala.

Nara cantu amore as dadu,

cantu ‘nd’as perdidu,

cantu ‘nd’at coladu in sas laras.

Sa menzus cosa ses, sa lughe ‘e sa vida,

totu su mundu b’est in d’una mirada.

Nara dae cal’ala benit custu nuscu tou

chi mi contat gai de s’Oriente.

Nara cantas bortas fis ae de s’aera,

abba de su mare, majarza.

Sa menzus cosa ses, sa ‘oghe chircada.

Tue, sa peràula chi sa mùsica ischidat.

‘Ola, ‘ola supra custa nue mia,

‘ola, leami in bolu in sas alas tuas,

‘ola, ‘ola e sula

s’alenu ‘e su chelu intr’e a mie.

‘Ola, ‘ola supra a totu su chi fiat,

‘ola, galu custu ‘olare meu azua,

‘ola, ‘ola e fura

sentidos chi sun intr’a mie.

Nara, cando mi tremia

chena narrer nudda,

chene ischire si tue l’ischias,

nara si tue puru aias

su matessi fogu

chena frama ti brusiaias?

Nara si est menzus chi sa vida nos perdat

o chi bi siat un’atera ‘orta.

‘Ola, ‘ola supra custa nue mia,

‘ola, leami in bolu in sas alas tuas,

‘ola, ‘ola e sula

s’alenu ‘e su chelu intr’a mie.

‘Ola, ‘ola supra a totu su chi fiat,

‘ola, galu custu ‘olare meu azua,

‘ola, ‘ola e fura

sentidos chi sun intr’a mie.

• Artist:Alessandro Catte