صباح الخير علي الورد اللى فتح فى جناين مصر [Saba7 El-Kheir 'Ala El-Ward Elly Fattah Fi Ganayen Masr] lyrics
Songs
2024-11-07 20:42:06
صباح الخير علي الورد اللى فتح فى جناين مصر [Saba7 El-Kheir 'Ala El-Ward Elly Fattah Fi Ganayen Masr] lyrics
صباح الخير علي الورد اللى فتح فى جناين مصر
صباح العندليب يشــــدي بألحان السبوع يا مصر
صــبـاح الداية واللفة ورش الملح فى الزفة
صباح يطلع بأعلامنا من القلعة لباب النصر
سلامتك يامة يا مهرة
يـــــا حبالة يا ولادة يا سـت الكل يا طاهرة
سلامتك من آلام الحيض من الحرمان من القهرة
سلامة نهدك المرضع سلامة بطنك الخضرا
هناكي وفرخة الوالدة تضمي الولد يا والدة
يصونهم لك ويحميهم يكترهم يخليهم
يجمع شــملهم بيكي يتمم فرحتك بيهم
صباح الخير علي ولادك صباح الياسمين والفل
تعيشي ويفنوا حسادك ويسقوهم كاسات الذل
وبلغ يا ســـــــمير غطاس يا ضيف المعتقل سنوي
بصوتك دا اللى كله نحاس صباح الخير على الثانوي
وأهلا بيكو فى القلعه وباللي فى الطريق جايين
ما دامت مصر ولادة
وفيها الطلق والعادة
حتفضل شمسها طالعة برغم القلعة والزنازين
- Artist:Sheikh Emam