سر الإعجاب [Sar al Ajab] [English translation]

قالت وش اكثر شي يعجبك فينـي

قلت بصراحه كل مافيـك جـذاب

اسمك ورسمك والشعر والجبينـي

وعيونك وصوتك وخدك والأهداب

قـالت تبـالغ قلت لا صدقينـي

ترى وصوفك مابها شي ينعـاب

ما كنـك إلا الليـل للعـاشقينـي

وما كنك إلا الوصل مابين الأقراب

كـلك على بعضـك كذا تعجبـيني

و في كل يوم لك يزداد الأعجـاب

ياشمس عمري يادفـاي وحنينـي

جيتك حروف الحب وعيونك كتاب

بالحيل احبك يا رجـاوي سنينـي

وحبك فتح للعـاطفه كل الأبـواب

إحساسي الصادق معك يحتوينـي

وإحساسي لغيرك من الناس كذاب

عمر الغرام إن طال بينك وبينـي

لا تسأليني يوم عن سر الأعجـاب

• Artist:Rashed Almajid