Schäl Sick lyrics

Hundert Johr lang häs du jeschlofe,

häs nur noh links un nie noh rääts jelurt.

Höchste Zick, dat du jetz wach wees,

un jewahr wees, wat passeet.

Hundert Johr lang nur verachtet,

nur verspottet, usjelaach.

Hundert Johr lang chemisch dreckig,

ne Riese reck sich, bal es hä wach.

Hey Kölle, pass op! Jetz ändert sich die Zick.

Düx kütt üvver Kölle, jetz es et bal su wick.

Refrain:

Schäl Sick, Schäl Sick, do, wo de Sonn opjeit.

Schäl Sick, Schäl Sick, wo keine Dom em Wääch römsteit.

Schäl Sick, Schäl Sick, do wo d’r Bletz enschläät.

Ohne dich es Kölle nur de Hälfte wäät.

Gesprochen:

Düx, Müllem, Kalk, Poll, Vings, Ossheim, Roth, Bröck,

Flittard, Stammheim, Merheim, Buchheim, Buchforst, Dellbröck

Üvver‘m Brachland nur Bagger un Kräne,

dodran hät jestern kei Minsch em Draum jedaach.

Hück ald Arena, Messe, Hyatt un Airport,

och RTL kom rüvver üvver Naach.

En neue Stadt wääs en d’r Himmel,

ob dat jootjeit, weiß keiner niemols nit.

Doch bei allem Hätz für Klüngel,

do levve och Minsche, verjeßt se nit.

Hey Kölle, pass op! Jetz ändert sich die Zick.

Düx kütt üvver Kölle, jetz es et bal su wick.

Refrain

Et es ald immer su jewäse, sulang d’r Rhing noh Holland trick:

Die linke Sick, die krät alles, un wä nix krät, dat wor die Schäl Sick.

Refrain

Gesprochen:

So, und jetzt begrüßen wir natürlich auch noch die Herrschaften aus

Dünnwald, Höhenhaus, Höhenberg, Humboldt-Gremberg, Königsforst

und natürlich Porz mit all seinen vielen Vororten und der dazugehörigen Landbevölkerung.

Un wat es met Holweide?

Ohne üch es Kölle nur de Hälfte wäät.

• Artist:Bläck Fööss
• Album:Rut&Wiess