Scottis [Polish translation]

Chistu baddhu, a cantu pari,

era danza rusticana

di la Scòzia luntana

ch’è sbalcata da lu mari cent’anni sarà.

Da un séculu in Gaddhura

v’è lu baddhu chi ogghj ammiri.

Sedici tra passi e ghjri,

illu scottis a misura ghjusta si dè fa.

Fatt’un passu v’è l’inchinu,

deci passi laterali,

cattru ghjri illu finali

lestri e di cuntinu torr’à cumincià.

Lestri baddhu chi si baddha

zitti zitti, cor’à cori;

so sbucciati tanti amori

cor’à cori, spaddha a spaddha senza cuntrastà.

Senza dissi mancu muttu,

zitti, ma tra ghjri e passi

li so cori lu di fassi

s’hani dittu suttu suttu tuttu illu baddhà.

Baddhu a tempu di sunettu

o di rittimu cantatu

da tinori accumpagnatu

lestri e di cuntinu torr’à cumincià.

• Artist:Sardinian & Corsican Folk