Serenatella nera [Italian translation]

Sulagna è 'a strata, sulagno è 'o còre...

e st'uócchie chiágnere nun pònno chiù...

'O ciélo è niro...tutt'è dulóre:

a 'sta fenèsta nce manche tu!

Ah, si putisse 'ntènnere,

còre ca nun me siénte,

'o strazio 'e sti lamiénte

ca ll'ànema te dá...

te sentarrisse smòvere

tutt’a ccumpassióne,

pe chesta passióne

ca disperá’ mme fa!...

Tu nun me siénte...'mmiéz'a 'sta via

me riéste a sbàttere, sulo, accussí...

Ma tutt’e nnòtte, st'ánema mia,

cu nu suspiro, te vène a dí:

Te vòglio bène! E st'ánema

ca nun t'ha fatto niénte,

'o strazio 'e sti lamiénte,

cu 'o sango sujo te dá,

speranno 'e te cummòvere

tutt’a ccumpassióne,

pe' chésta passióne

ca disperá’ mme fa...

• Artist:Ferdinando Russo
• Album:Il mito dell'opera. Anno 1935. Columbia DQ 1499.