شيد قصورك [Shayyed Qosoorak] [Malay translation]

شيد قصورك ع المزارع

من كدنا وعمل إدينا

والخمارات جنب المصانع

والسجن مطرح الجنينه

واطلق كلابك في الشوارع

واقفل زنازينك علينا

و قل نومنا في المضاجع

ادي احنا نمنا ما اشتهينا

واتقل علينا بالمواجع

احنا اتوجعنا واكتفينا

وعرفنا مين سبب جراحنا

وعرفنا روحنا والتقينا

عمال وفلاحين وطلبة

دقت ساعتنا وابتداينا

نسلك طريق ما لوش يراجع

والنصر قرب من عنينا

• Artist:Sheikh Emam