Ширэг Ширэг [Shireg Shireg] [Transliteration]

Алаг дэлтэй унаган зээрдийнхээ

Амгай юуг нь авч л услаарай

Азай буурал өвгөн аавынхаа

Ачлал буяныг нь санаж л яваарай

Эвхээ хүрэн хөхөлбөр уулсынхаа

Энгэр бэлийг нь дагаж л яваарай

Эвий хөөрхий настай ээжийнхээ

Элбэрэл ачийг нь санаж л яваарай

Ширэг Ширэг

Ширэг Ширэг

Харийн нутгийн гүнийг туулахдаа

Хүлэг морио гамнаж яваарай

Хүмүүн олны дунд нь явахдаа

Хүний сайнтай нөхөрлөж яваарай

Саадаг нумаа салхиар ундлаарай

Саран илдээ сахиж унтаарай

Саарыг таних совинтой яваарай

Саадыг давах хүчтэй яваарай

Ширэг Ширэг

Ширэг Ширэг

Баруун хацрыг нь үнсээд үдье дээ

Буцаад ирэхэд нь зүүний нь үнэрлэе дээ

Буурай аав л ижий хоёр нь ээ

Буурин дээрээ хүлээж үлдье дээ

Ширэг Ширэг

Ширэг Ширэг

• Artist:The HU
• Album:The Gereg