Sienda [English translation]

Beni, bénimi in bratzos, prenda

De istriores mannos sa sienda ses tue

In sas dies e annos

Ube jughen sas fozas de sos carignos tuos

A mirare sas fozas chene ispinas de ruos

A bider lughes jaras chene nues pro 'elu

Si ti miro sas laras chi m’istrinat su chelu

Ses tue sa sienda

Ses tue sa sienda

Coro meu, coro meu istimadu

Deddeddu beneitu, narami cale fadu

Pro nois… pro nois est iscritu

E cales dies ruan dadas dae sa fortuna

Mistérios, mistérios chi cuan sas baddes de sa luna

Ses tue sa sienda

Ses tue in sas dies e annos

Ses tue sa sienda

Ses tue sa sienda

Jambas finas s’intinnu si t’ischido sa brama

Pares unu pitzinnu in bratzos de sa mama

Cando chircas su sinu che una criadura

E sònnias continu mundos chene tristura

Ma cando no as beste

E intendes su caentu

Ses unu caddu areste

In francas de su ‘entu

Ses tue sa sienda

Ses tue in sas dies e annos

Ses tue sa sienda

Ses tue…

Ses tue sa sienda

Ses tue in sas dies e annos

Ses tue sa sienda

Ses tue…

Sa Sienda

• Artist:Maria Luisa Congiu
• Album:Abbajara