سروه‌ی به‌یانی [Sirwey Beyanî] [Transliteration]

تۆ وه‌کوو سروه‌ی به‌یانانی به‌هاری

تۆ له‌ له‌شما گیانی سووکی نادیاری

بۆ شه‌وی خۆشی و نه‌خۆشیم یادگاری

ڕه‌مزی ئینتیزاری

تۆ جریوه‌ی دارستانی جێ‌ ژوانی

بۆ هه‌سێره‌ی به‌رزی ئاواتم سریوه‌ی

چه‌نده‌ جوانی

گیانه‌که‌م جاران که‌ ئه‌تگوت

پێکه‌نینت زایه‌ڵه‌ی سه‌وزی شه‌تاوه‌

چاوی شینت گۆمی مه‌ندی پـڕ له‌ ماسی

زه‌رد و سووری به‌ر هه‌تاوه‌

ئێسته‌ بۆ وا شۆڕه‌بی برژانگی نه‌رمت ده‌وری داوه‌

بۆچی گه‌رمایی ڕوانینت نه‌ماوه‌؟

هه‌ڵبه‌ست:سوارە ئیلخانی زادە

• Artist:Necmedîn Xulamî
• Album:Nan