Sonnet 116 [Neapolitan translation]

D’o spusalizio nisciuno se lagna

si ce sta ammóre d’àneme verace:

nun è ammóre si a nu cagno se cagna

o a rrummané luntano nn’è capace

No no, na lampa isso è ca nun se move,

‘ncòpp’a tempèsta sta, ma maje sbattuto,

ca è stélla a tutt’e nnave nun ce chiòve:

quanto vale no, quant’è auto è saputo.

Niénte po’ cóntro ‘Ammóre ‘o Tiémpo cane

ca ‘ncòpp’e ppèlle frésche fa ruine

Nun ‘o càgnano óre, juórne o semmane,

rummane férmo nzì a ll’ùrdema fine.

Facìteme vedé c’aggio sbagliato

e i’ nun esisto e maje nisciuno ha ammato.

• Artist:William Shakespeare