Sonnet 7 Lo in the Orient when the gracious light [Neapolitan translation]

Guarda a llevante quann’allèro ‘o juórno

sóse ‘a capa sciammiante e ogne uócchio rènne

a isso alleverènzia p’o retuórno,

e sèrve ‘a maestà sója che resbrènne.

Quanno ‘a grariata d’o ciélo ha sagliuto,

sìmmele a fforte giuventù sciurata,

sèmpe ‘a ll’uócchie murtale è reveruto

ca d’òro tène fatta ‘a cammenata.

Ma quanno ‘a còppa, stracquo, va carènno

e comm’a vvicchiariéllo senne parte,

ll’uócchie divòte mo vanno fujènno,

e s’avòtano a ttutta n’ata parte.

Accùssì, quann’o juórno tujo è passato,

scurdato muóre, si nun hê figliato.

• Artist:William Shakespeare