Suónno… lyrics

Na varca. P’o viénto, vulanno,

luntano se pòrta l'Ammóre

ca tanto m'ha fatto suffrì...

'O chiammo, suspiro, m’affanno,

e tale è la pena 'e stu core

ca 'nsuónno me pare 'e muri!

Na stélla. Da ’e ragge lucènte

na luce se parte e m’arriva

e ‘nfrónte me vène a vasà...

Io pènso a li ttrézze 'ndurate,

a tutte li ccòse passate,

e ’a péna me fa smanià!

Nu scióre. Da miézo ô ciardino

stu scióre s’arape e se ‘nchiude

e pare na vócca e nun è ;

e dice nu nòmme, e me chiamma,

e ‘mpietto io me sènto na sciamma,

e córre ’o penziéro addu te !!

• Artist:Ferdinando Russo
• Album:Poemetti del cuore (1893-1909)