Suspiro [Italian translation]

— Siénte! Vedérte sèmpe, ògne mumènto

tenérte ‘nnanza e nun putérte dì'

tutto lu bène ca pe tte me sènto

ancòra ‘mpietto, è còsa 'a fa’ murì’!

Passa n'anno e ne passarranno ciénto,

sémpe stu còre restarrà accussì;

chi sulo sape ch'è chisto trummiénto,

chi sulo 'o ssape me po' cumpiatì’!

E pure... e pure tu, bellézza mia,

lu vaso ca me diste l'hê scurdato...

e mo quanno me véne 'appucundria

ca me fa penzà a te ca m'hê lassato,

addò tu me vasaste s'accalóra

e me pènzo ca tu me vase ancòra!

• Artist:Ferdinando Russo
• Album:Poesie napoletane (1910)