The False Lover Won Back [English translation]

The sun shines high on yonder hill

And low in yonder dell

The place where me and my love dwells

The sun, it never goes doon

Bonny love, the sun, it never goes doon

"Gae saddle to me

The bonny black steed

Or saddle to me the broon

That I may ride a' aroond, bonny love

That I may ride a' aroond"

Bonny love, that I may ride a' aroond.

"It's when will ye be back, bonny love?

It's when will ye be hame?"

"When the heather hills are nine times brunt*

And all grown green again"

Bonny love, and all grown green again

"O, that's ower lang tae bide awa'

That's ower lang fae*** hame

The baby that's nae born yet

Will be ower lang wantin' its name"

Bonny love, will be ower lang wantin' its name

He turned aboot his high horse heid

And fast awa' rode he

And she's kilted up her gay clothin

And fast, fast followed she

Bonny love, and fast, fast followed she

The firsten toon** that they cam tae

He bocht her hose and sheen

And he bade her rue and return noo

And nae mair follow him

Bonny love, and nae more follow him

"It's love for love that I do want

Love for love again

It's hard when I like ye sae weel

And ye nae me again"

Bonny love, and ye nae me again

The neesten toon that they cam til

He bocht her a brooch and ring

And he bade her rue and return noo

And nae more follow him

Bonny love, and nae more follow him

"It's love for love that I do want

Love for love again

It's hard when I like ye sae weel

And ye nae me again"

Bonny love, and ye nae me again

The neesten toon that they cam til

He bocht her a weddin' ring

And he bade her dry her rosy cheeks

And he would tak her wi' him

Bonny love, and he would tak her wi' him

"It's love, for love, that I do want

Love for love again

And there's nane but you for me, bonny love

And there's nane but you for me"

Bonny love, and there's nane but you for me

There's comfort for the comfortless

And honey for the bee

"And there's nane for you but me, bonny love

And there's nane for you but me"

Bonny love, and there's nane for you but me

"It's love for love that I hae got

Love for love again

So turn your high horse heid aboot

And we will ride for hame"

Bonny love, and we will ride for hame

• Artist:Ewan MacColl & Peggy Seeger
• Album:Classic Scots Ballads