The John McLean March lyrics

Hey, Mac, did ye see him as he cam doun by Gorgie

Awa ower the Lammerlaw an north o‘ the Tay?

Yon man is comin an the hail toun is turnin out

We're aa shair he'll win back tae Glesca the day

The jiners an hauders-on are marchin fae Clydebank

Come on noo an hear him, he'll be ower thrang tae bide

Turn out, Jock an Jimmie, leave yer cranes an yer muckle gantries

Great John MacLean's comin hame tae the Clyde.

Argyll Street and London Road's the route that we're marchin

The lads frae the Broomielaw are here, tae a man!

Hey Neil, whaur's yer hauderums, ye big Heilan teuchtar

Get yer pipes, mate, an March at the heid o the clan

Hullo, Pat Malone, sure I knew ye'd be here, so,

The red an the green, lad, we'll wear side by side

Gorbals is his the day an Glesca belongs tae him

Noo great John MacLean's comin hame tae the Clyde.

Forward tae Glesca Green we'll march in guid order

Will grips his banner weel, that boy isnae blate!

Aye, weel, man, thair's Johnnie noo, that's him thair the bonnie fichter

Lenin's his feire lad, and Liebknecht's his mate

Tak tent whan he's speakin for thae'll mind whit he said here

In Glesca, our city, an the hail world besides

Och aye, man the scarlet's bonnie, here's tae ye Heilan Shonie

Great John MacLean's comin hame tae the Clyde.

Aye weill, whan it's finished we’ll awa back tae Springburn

Come hame tae yer tea, John, we'll sune hae ye fed

It's hard work the speakin, och, I’m shair he'll be tired the nicht

I’ll sleep on the flair, Mac, an gie John the bed

The hail city's quiet noo, it kens that he's restin

At hame wi' his Glesca freens, their joy an their pride

The red will be worn, ma lads, an Scotland will march again

Noo great John MacLean has come hame tae the Clyde.

• Artist:Dick Gaughan