Timiseri [Romanian translation]

Ñi-i doru di ficiurami, moi,

Di leagânlu ditu mandrâ

Adratu di-unâ sigimi, moi,

Shi-aspindzuratu di grendâ.

O dzâle mâyipsiti, moi,

Tsi-anclliushiratu ayoñia

Shi vdzitu ca pri yinati, moi,

Canda vâ vedu aynanghea!

Ñi-i doru sh-di câliva, moi,

Ditu nuclu ditu ayiñi,

Di iu bâteamu câmbana, moi,

Ta s-avinămu gâlliñili.

Sh-di dzeana di stri hoarâ, moi,

Di iu-ashtiptamu s-dipunâ

Primveara cu câldurâ, moi,

Sh-cu martsulu di mânâ.

Pâreasiñili cu hasca, moi,

Cân' tuts nâ himuseamu

Cu gurili dishcllisi, moi,

Halvălu s-lu-acâtsamu.

O dzâle mâyipsiti, moi,

Tsi-anclliushiratu ayoñia

Shi vdzitu ca pri yinati, moi,

Canda vâ vedu aynanghea!

Sh-di tahinărli atseali, moi,

Anda nâ dishtiptamu,

Sh-dipu ningâ sufrântseali, moi,

Arusticadz aflamu!

• Artist:Mihali Prefti