Toccheddos de Coro [English translation]

Chin sos prus bellos versos ti ricamo

Sos sentimentos limpidos de incantu

Ischis columba, l’ischis, ischis cantu

T’apo semper amau e cantu t’amo

Non cherjo, non pretendo, mancu bramo

Chi, bella, m’ames cantu deo t’amo

E ti pedo perdonu… perdonu si su coro

No ischit faveddare chin affetu

Issu pro tene patit, patit in segretu

Issu pro tene patit penas d’oro

A t’ind’ammentas cando in pitzinnìa

Bolabamus in artu, in sas istellas,

Nandenos solu semper cosas bellas

In d’unu chelu tintu ‘e fantasia…

Su mundu fit arcana sinfonia

Ca bi fis solu tue, tue ebbìa

Como chi sos tocheddos, tocheddos de s’amore

Sun prus craros, su coro est in turmentu

Bolat semper in artu, in artu in cada bentu

Su sentimentu candidu de s’amore

A t’ind’ammentas cando in pitzinnia

Bolabamus in artu, in sas istellas…

• Artist:Maria Luisa Congiu