Átoj yútuan lyrics

I

Atoj yututa nipuscka

amus simiyta serápay,

chaynacka nockapas silbas

tormentata huajianáypaj.

Mana serapusckayquichu

nipuscka cuentat deanqui

yutaypa nidunta taris

‘runtusnint micusa canqui.

Nocka jurayqui yutitu

túcuy bienesniyt ckosckayqui

trampa suasckat apini

chaytapasmi entregasckayqui.

Ckemícuy simiyquit huishckas

nami ‘rini serapúsoj.

Chaguarta sumajta cuyus

utquituta sackepúsoj.

II

Suj bailep ‘risa carancu

yutu silbas guitarraman

nigrinta sombreromp satis

atojcka silbas flautaman.

Ckayantin baile llalliptin

yututa alli regalascka

atojcka ñauhin ckellulla

simencka súmaj serascka.

Sachasta y ñanesta puris

yarckaymantyajcka huañuscka

yutu ñauckemant ataris

simint atunt lliquichiscka.

Simencka nigrin laucama

niscka nockacka yarckani

tintillapas mana purin

yutut ancha micunaani.

• Artist:Sixto Palavecino