Troum Unde Spiegelglas lyrics

Ein meister las,

troume unde spiegelglas,

daz si zem winde

bî der stæte sîn gezalt.

Loup unde gras,

daz ie mîn vreude was,

swie ich nû erwinde,

iz dunket mich alsô gestalt;

Dar zuo bluomen manicvalt,

diu heide rôt, der grüene walt,

der vogellîn sanc ein trûric ende hât;

Dar zuo der linde

süeze unde linde.

sô wê dir, Welt, wie dir'z gebende stât!

Heiliger Krist,

sît dû gewaltic bist

der welte gemeine,

die nâch dir gebildet sint,

Gip mir die list,

daz ich in kurzer vrist

alsam gemeine

dich sam dîn erwelten vint.

Ich was mit gesehenden ougen blint

und aller guoten dinge ein kint,

swie ich mîne missetât der welte hal.

Mach ê mich reine,

ê mîn unreine

sêle versinke in daz verlorne tal.

• Artist:Faun
• Album:Zaubersprüche