Trumas lyrics

Una frunza ‘e murta

ti ponzo pro ammentu,

como pasa e iscurta

sas boghes de su ‘entu.

Cando no t’an a a lughere

sole, luna e isteddos

issas ti ch‘an a juchere

sos rànchidos faeddos.

Sas animas de totu sos mortores

las truvan sos diàulos a trumas,

sos printzipales cun sos traitores

suta sa temporada paren grumas.

Paritzos, in dilliriu

de ‘ochire s’anzone,

los tenia a inghiriu

che canes a murone.

It’est chi lis at rendidu

a mi mutzare s’ala?

Totu sos chi m’an bendidu

an tentu sorte mala.

Sas animas de totus sos mortores

las truvan sos diàulos a trumas,

sos printzipales cun sos traitores

suta sa temporada paren grumas.

• Artist:Piero Marras