Tsi stai, feată, ningă amari lyrics

Tsi stai, feată, ningă amari?

Shteptu-amarea sâ-ni mi neacâ!

Cumu s-ti neacâ ahtari msheatâ?

Car' s-mi neacâ, las s-mi neacâ,

Nu-amu ni mumâ, nu-amu ni tatâ,

Ni-amu unu gioni, she-lu tru xeani.

Tsi ni dai, feată, s-tsâ-lu aducu?

Cara s-ni-lu aduts andreptu,

Va-ts dau dubla di pi keptu!

Va-ts lu-aducu pri ningâ searâ!

Nu-ni lu voiu pri ningâ searâ,

Câ-ni lu voiu ti prândzulu mari,

Ca să-l veadâ nicu sh-mari,

Nicu sh-mari sh-soia tutâ!

• Artist:Mihali Prefti