Tu si 'na cosa grande [Greek translation]

Tu si' 'na cosa grande pe' mme,

'na cosa ca me fa nnammura',

'na cosa ca si tu guard' a mme

je me ne moro accussì,

guardanno a tte.

Vurria sape' 'na cosa da te,

pecchè quanno i' te guardo accussì

si pure tu te siente 'e muri',

nun m''o ddice

e nun m''o faje capi', ma pecchè?

E dillo 'na vota sola

si pure tu staje tremmanno.

Dillo ca me vuoi bene

comm'io, comm'io,

comm'io voglio bene a tte.

Tu si' 'na cosa grande pe' mme,

'na cosa ca tu stessa nun saje,

'na cosa ca nun aggio avuto maje,

nu bene accussì, accussì grande.

E dillo 'na vota sola

si pure tu staje tremmanno.

Dillo ca me vuoi bene

comm'io, comm'io,

comm'io voglio bene a tte.

Tu si' 'na cosa grande pe' mme,

'na cosa ca tu stessa nun saje,

'na cosa ca nun aggio avuto maje,

nu bene accussì, accussì grande,

accussì grande, accussì grande.

• Artist:Domenico Modugno