U lamentu di Filicone [Italian translation]

Impiegà vogliu la musa

Per fanne duie canzone

Mi ritrovu ind’E Poghje

È dimoru in l’Arbitrone

Ne sò tristu è scunsulatu

Chì ghjè mortu Filicone.

La morte di Filicone

Quantu mi hà datu pena

Sò ghjunti li cacciadori

Di lu Pricoghju è d’Arena

Sonu arrivati da Fiumorbu

Di Serra di Scopamena.

Quand’elli la senteranu

Li cacciadori in Casinca

Ch’ellu hè mortu Filicone

À u pede d’una lustinca

N’hè mortu bellu onoratu

Cù l’un cinghjale capu à capu.

Un cinghjale di trenta chilòne

U l’avimu pigliatu in bocca

N’avimu fattu le parti

In lu collu d’Arcarotta

Ci si truvava ancu Ghjambattistu

Soprannome Cocca Cocca.

Ellu trovava pernici è lefre

Cinghjali è fasgiani

È ne partia da Aleria

Arrivava in Fiume Alisgiani

Passava per Padulella

Cantone di Moriani.

O quale hè chì ferà la guardia

Indu la casa à l’Arbitrone

La notte cum’è lu ghjornu ?

N’era sempre reunione

Avà ghjè finitu tuttu

Chì ghjè mortu Filicone.

Quì finiscu è chjodu il fogliu

Tuttu tristu è scunsulatu.

M’hà dispacciatu il mio amicu

Chì si trova nel Viscuvatu

Saria venutu à l’interru

S’ellu era statu avisatu. 

• Artist:Petru Grimaldi