Umr nima [Transliteration]

Умр нима? Умр аслида

Бир юмалоқ тугмача йўл,

Тугмадан сал каттароқ

Ё яна бир нимача йўл. (2х)

Бешигимнинг олдидан

Қабрим олдигача йўл,

Мен кетарман бир куни,

Наволарим, зорим қолур. (2х)

Бу узун ҳижрон йўлидур,

Бу узун азоб йўли.

Ҳар саҳар кулиб чиқиб,

Йиғлаб ботар офтоб йўли.

Ким учун савоб йўлидур,

Ким учун гуноҳ йўли.

Ҳарнадир, ҳар бирига

Ортимда иқрорим қолур.

Ким учун гуноҳ йўлидур,

Ким учун савоб йўли.

Ҳарнадир, ҳар бирига

Ортимда иқрорим қолур.

Ўзбегим уйида янграр

Ҳамма вақт қўшиқларим.

Ёд бўлиб айтганларим,

Ҳар дилда озорим қолур.

Ўзбегим уйида янграр

Ҳамма вақт қўшиқларим.

Ёд бўлиб айтганларим,

Элимда алёрим қолур.

Яхшилик муроди бор ҳар

Дилга мен жоним берай,

Яхшиларга қўлда бору

Йўғу имконим берай. (2х)

Кўнгли пок шогирдима

Булбул бу забоним берай,

Мен кетарман бир куни,

Зор йиғлабон торим қолур. (2х)

Ол, дея бир кун, Эгам,

Осмонга учса руҳларим,

Бир ажиб мовий диёр

Қўйнини ўпса руҳларим -

Кўк менинг кўксим бўлур,

Юлдузлари андуҳларим.

Гул ўпиб, гул ёпиниб,

Ҳар дилда мозорим қолур. (2х)

Ўзбегим уйида янграр

Ҳамма вақт қўшиқларим,

Ёд бўлиб айтганларим,

Элимда алёрим қолур. (2х)

Ла-ла-ла-ла......

• Artist:Yulduz Usmonova