Una cria lyrics

Sta sera lu vogliu d'amore

U versu chì mi nasce in pettu

È ingranda sta sera lu fiore

Chì sà da quand'hè ch'eo n'aspettu

Cun ellu ma quant'eo vurria

Rinchede li cori una cria

Rinchede li cori una cria

Sta sera lu facciu più bellu

U cantu chì m'apre la gola

È s'apre sta sera un purtellu

A notte ùn ti lescia più sola

Cun ellu ma quant'eo vurria

Fà luce li ghjorni una cria

Fà luce li ghjorni una cria

Sta sera s'impanna di goia

A voce chì ti vole fà festa

Chì vene sin'à in casa toia

È ad ogni core s'aresta

Cun ella ma quant'eo vurria

Imbellisce le stonde una cria

Imbellisce le stonde una cria

• Artist:I Muvrini
• Album:Quorum