Укытучылар көне [Uqıtuçılar köne] lyrics

Нигә бүген алтын нурлар

Урманнарга йөгерә?

Нигә безне көзге кояш

Җәйдәгечә көлдерә?

Ай нинди көн, нинди көн бу?

Кыздыра кояш көзне.

Шул кояштай якты сыман

Укытучылар көне.

Ялгыш түгел, ялгыш түгел

Күңелдәге бу шатлык.

Укытучы апаларны

Гел кояшка охшаттык.

Ай нинди көн, нинди көн бу?

Шатлык кызартты йөзне.

Гел шатлыктан тора мәллә

Укытучылар көне?

Дөнья балкый, йолдызлар да

Сүнмәгәннәр бу көнне.

Ай да үзен бу бәйрәмнән

Калдырмаска үтенде.

Ай нинди көн, нинди көн бу?

Күктә йолдызлар көлде.

Мең йолдыздан торган бу көн -

Укытучылар көне

• Artist:Guzel Urazova