Varrak [English translation]

Ko‘kda varrak bor edi,

O‘shanda bahor edi,

Bir qizcha menga qarab,

Kulib turgan yor edi.

Ko‘kda varrak bor edi,

O‘shanda bahor edi,

Yigitcha unga qarab,

Kulishimga zor edi.

Men senga bir gap aytaman,

Hech kim bilmasin,

Yoshlikda bergan ko‘ngilni

Ayro qilmasin.

Men senga bir gap aytaman,

Birov bilmasin,

Yoshlikda bergan ko‘ngilni

Judo qilmasin.

Qarab turib yuziga,

Binafshadek ko‘ziga,

Yuragimni o‘shanda

Aytolmadim o‘ziga.

Qarolmasdan yuziga,

Boqolmasdan ko‘ziga,

Yuragimni o‘shanda

Aytolmadim o‘ziga.

Bahor edi o‘sha payt,

O‘sha damga, gulim, qayt,

Yoqishini o‘sha qiz

Aytarmiding, dilim, ayt!

Bahor edi o‘sha payt,

O‘sha damga, dilim, qayt,

O‘sha yigit yoqishin

Aytarmiding, gulim, ayt!

Hamon xayol varrakda,

Hamon bahor yurakda,

O‘sha qizni hali ham

Yaxshi ko‘rsam kerak-da!

Hamon xayol varrakda,

Hamon bahor yurakda,

O‘sha yigit hali ham

Menga yoqsa kerak-da!

• Artist:Farhod va Shirin