Veni, Creator Spiritus lyrics

Veni, Creator Spiritus,

mentes tuorum visita,

imple superna gratia

quae tu creasti pectora.

Qui diceris Paraclitus,

altissimi donum Dei,

fons vivus, ignis, caritas,

et spiritalis unctio.

Tu, septiformis munere,

digitus paternae dexterae,

Tu rite promissum Patris,

sermone ditans guttura.

Accende lumen sensibus:

infunde amorem cordibus:

infirma nostri corporis

virtute firmans perpeti.

Hostem repellas longius,

pacemque dones protinus:

ductore sic te praevio

vitemus omne noxium.

Per te sciàmus da Patrem,

noscàmus atque Filium,

teque utriùsque Spiritum

credàmus omni témpore.

Deo Patri sit gloria

et Filio, qui a mortuis

surréxit, ac Paràclito,

in saeculorum saecula. Amen.

• Artist:Christian Hymns & Songs