Veni, Veni Emmanuel [French translation]

Veni, veni, Emmanuel

captivum solve Israel,

qui gemit in exsilio,

privatus Dei Filio.

R: Gaude! Gaude! Emmanuel,

nascetur pro te Israel!

Veni, O Sapientia,

quae hic disponis omnia,

veni, viam prudentiae

ut doceas et gloriae.

Veni, veni, Adonai,

qui populo in Sinai

legem dedisti vertice

in maiestate gloriae.

Veni, O Iesse virgula,

ex hostis tuos ungula,

de specu tuos tartari

educ et antro barathri.

Veni, Clavis Davidica,

regna reclude caelica,

fac iter tutum superum,

et claude vias inferum.

Veni, veni O Oriens,

solare nos adveniens,

noctis depelle nebulas,

dirasque mortis tenebras.

Veni, veni, Rex Gentium,

veni, Redemptor omnium,

ut salvas tuos famulos

peccati sibi conscios.

• Artist:Christian Hymns & Songs