Ventariéllo [Italian translation]

Aggarbato, frisco e fino

d'a matina 'o ventariéllo

fa’, ògne ghiuórno, 'e stu ciardino

tutte 'e ffrónne suspirà.

“Bène mio! – dìceno ‘e ffrónne –

Nienteméno accussì è nfama?”

E cu ll’ acqua, ca rispónne,

fanno ‘nziéme uno ciu ciù…

Chiacchiaréa, quase annascòsta

‘mmiéz'a ll'ómbra, na funtana,

ca, sapènno 'a stòria nòsta,

'a vo' a ll'àrbere cuntà.

Tanto ch'io, ca guardo attuórno

e passéo 'mmiéz'a sti ffrasche,

me murtìfico p' 'o scuórno,

e mme mbròglio a cammenà...

• Artist:Salvatore Di Giacomo
• Album:Le videopoesie di Gianni Caputo