Վերջին անգամ [Verǰin angam] lyrics

Չորսը պատ շարված մի տուն է,

Չորս տախտակ մեխված մի դուռ:

Ճաղապատ լուսամուտները-

Խենթանոցն է համար ութ:

Մենք ցրտից չէ, որ սառել ենք,

Քարացել ենք խարույկից...

Տե՛ս, այրում են մեր գրքերը,

Որ գտան բարձի տակից:

Այս անգամ՝ վերջին անգամ:

Եվ խժռում է վառարանը հաստափոր,

Իմաստները յուրացնում հատոր հատոր,

Կարմրել է հաճույքից նրա մարմինը,

Եվ ոռնում են ամոթից խենթերը մեր-

Շարադրում են լուրերով բյուր պատճառներ

Եվ նշում աննախատես հանգամանքները:

Այս անգամ՝ վերջին անգամ:

Հե՜յ, դե կոճկե՛ք ձեր բերանները:

Հե՜յ, դե կանգնե՛ք բոլորդ զգաստ:

Հե՜յ, ձեզ դատում են մանուկները:

Հե՜յ, բարուրների մեջ սառած:

Այս անգամ՝ վերջին անգամ:

Ավարտվեց ձեր միացումը:

Առնետները միացան:

Միացան կատղած շները,

ճիվաղները միացան,

Միացավ և կեղտաջուրը

Խցանված խողովակում:

Գժերով մենք որոշում ենք

Անջատում և լվացում:

Այս անգամ՝ վերջին անգամ:

Եվ ոռնում են ամոթից խենթերը մեր,

Շարադրում են չորս կողմից բյուր պատճառներ,

Եվ նշում աննախատես հանգամանքները,

Եվ փառքի նալերն են իրարից պոկում,

Չիբանների պես օրեցօր աճում

Չաղ ու բախտավոր բարերարները:

Այս անգամ՝ վերջին անգամ:

Հե՜յ, դե կոճկե՛ք ձեր բերանները:

Հե՜յ, դե կանգնե՛ք բոլորդ զգաստ:

Հե՜յ, ձեզ դատում ենք՝ մենք՝ գժերս:

Հե՜յ, մեղձավոր ենք: Միաձայն: Միաձայն...

Այս անգամ՝ վերջին անգամ:

Մոռացե՛ք ձեր երազները,

Ձեզնից ոչ ոք չի փախչի,

Տուրը տաք հրաշք երկիրը՝

Գժերով կանցնենք գործի:

Չեք գտնի ձեր հանգրվանը

Հեռավոր տաք ափերում,

Չեք լափի գողցած նշխարը,

Ձեզ գժերն են հետևում:

Այս անգամ՝ վերջին անգամ:

• Artist:Arthur Meschian
• Album:The Monologue of the Crazed Violinist