Vierno [Italian translation]

Nun fa’ maje ‘a néva a stu paése mio!

Nu’ sciòcca maje. Sótto Natale manco.

Va’ tròva murarraggio c’o gulio

’e vedé ‘o Llario ê Ppigne tutto janco

E ghianco o pède ’e n’àrbero, ch’è sèmpe

vèrde, ‘a quanno èro guaglióne!

E ghianche ’e ciardinètte, ’e ccase, ‘e tìttole,

a sòglia e ’a ferriata d’o barcóne...

Chiòve! E si attòcca, pure ’int’a staggióne,

ma maje mèz’óra ’e néva, pe gulio

Nu sciòcca maje ’ncòpp’o paése mio!

Viérno! E me ne ricòrdo na trentina.

Fa’ friddo. Lampe e trònole.

Chióve. Acqua e viénto! Nu castico ’e Dio!

Ma me fósse scetato na matina

truvanno janca, tutta janca, Nàpule!

Nu’ sciòcca maje ’ncòpp’ô paése mio!

Vatròva quanto e quanto sarria bello

a cammenà pe Nàpule

sótt’â neva che sciòcca, sènza ’mbrèllo!

Méttere ‘o pède liéggio ’ncòpp’o mmuóllo...

e forse tutto janco... Che decrio!

...pe tutt’a néva ca te cade ‘ncuóllo...

Nu’ sciòcca maje ncòpp’ô paése mio!

O starse dint’â casa rebazzato

c’o naso ’nfacci ’ê llastre d’o balcóne,

...Uno passa c’o bàvero aizato,

n’ato, sènza cappòtto;

n’ato, currènno, sciulia...

e n’ato piglia ’mbraccia nu guagliòne

pecché... sta’ scàuzo!

E farse nu bicchiêre ’e vino cuótto

c’a bèlla nèva c’ha mannata Dio...

• Artist:Rocco Galdieri
• Album:Le videopoesie di Gianni Caputo