Vierno trase lyrics

P 'o ciélo aria 'e tempèsta,

sòle nascòsto...

'nfra tèrra e mare

nùvule a ccentenare.

.................................................

Cu 'e primme fridde vène 'a pecundria,

viérno trase...

malinconia!

Si na speranza tiéne dint' 'o còre,

lènta e triste,

se nne mòre!

Addio sére d'estate

e serenate

cantate p'e ciardine

e 'mmiéz'e vvie.

Addio nuttate bèlle,

ciéle puntiate 'e stélle

si site 'nnammurato

e v'ha lassato,

che pecundria!

Vola n'auciéllo spiérzo sènz'ammóre

cómme spiérzo

va chistu còre.

Scórre p'e titte ll'acqua 'mmiéz'â via,

viérno trase,

che nustalgia!

Addio carézze e vase,

addio sorrise

'mmiéz addóre d'e sciure

j 'e panne spase...

Addio sóle d'estate,

addio tiémpe passate,

si site 'nnammurato e v'ha lassato,

che pecundria!

......................................................

P' 'o ciélo aria 'e tempèsta.

Oj bèlla estate, addio...

mòre ll'ammóre mio

e viérno trase!

• Artist:Peppino De Filippo
• Album:Paese mio