وردة بلادي [Wardat Bilady] lyrics

"يللا بتحرك وأروح .. يومين وبرد"

------- كورس ------

وصيت قلبي عليك وفكري وظني

إن غبت عنهم، عليك عتابهم هادي

ما ودي تجرح شعورك كلمةٍ مني

وانت حياتي وعمري ومهجة فوادي

---------------------

ودي تعيش العمر راضي ومتهني

مرفوع راسك عليك العز متبادي

يا تاج راسي وانت مني وعني

تآمر وتنهي وأمرك أول البادي

------- كورس ------

من كثر خوفي عليك الخوف يمحني

وأفقد شعوري، وأشوفك غاية مرادي

إن غاب صوتك، أناجي الليل وأونّي

وأتخيلك وأتذكر هامة بلادي

مديون لك بالغلا والحب مشقني

يا مستحل الفواد العاشق الغادي

من يشبهك في البشر يا ذوقي وفني

يا راحتي وبسمتي وموتي وميلادي

وصيت قلبي عليك وقال متجني

احذر غيابك على قلبي ما هو بعادي

ووصيت قلبي عليك وفكري وظني

إن غبت عنهم، عليك عتابهم هادي

------- كورس ------

يا شوق روحي وقلبي وقطعةٍ مني

عتابك ألطف من النسمة على فوادي

ما يجرح القلب إلا غيبتك عني

وإلا عتابك يشابه طبعك الهادي

أنا أهتني يوم أشوفك انت متهني

وأشوف نور الهنا في طلتك بادي

ما يختلف فيك ظني يا حسن ظني

دايم وفيٍ معي يا وردة بلادي

------- كورس ------

"- وين ساير؟

- لا لا اتذكرت شي"

لا تخاف مني ومن قلبي إذا ونّي

أكيد مشتاق لك يا غاية مرادي

ما يتعب القلب غير الشوق لكني

أصبّره بالقصيد وصوتك الشادي

أنا أحبك وأحبك من صغر سني

ما أبالغ إن قلت لك من يوم ميلادي

أكبر ... ويكبر غلاك اللى مجنني

غصبٍ على عيون حسادك وحسادي

------- كورس ------

"- !على شو مستعيل؟

- شباب بتجدمكم أنا

- هالله هالله بالطريق

- لا توصي"

لا توصي القلب لي بالشوق متعنّي

ما دمت أحبك، عتابه ماهو بعادي

عتاب قلبك على حبك يطمني

خله يعاتب أنا سلمته فوادي

يا شوق روحي وقلبي وقطعة مني

عتابك ألطف من النسمة على فوادي

ما يجرح القلب إلا غيبتك عني

والاعتابك يشابه طبعك الهادي

------- كورس ------

• Artist:Rashed Almajid