يا حادي العيس [Ya 7adi Al3ees] lyrics
يا حادي العيس [Ya 7adi Al3ees] lyrics
يا حادي العيس سلّم لي على إمّي
سلام من خاطري وسلام من تمّي
يا جامع الشمل تجمعني انا وإمّي
تأشلح ثياب السفر واشكي لها همّي
ويا ستّي ويا ستّي
غاب القمر.... جيتي انتي
غاب القمر ونجومه، ضوّيتي علينا انتي
ليا وليا يا بنية يا واردة عالمية
ليا وحرقتي قلبي ردي السلام عليا
وردت على الجالودي
بنت الكرم والجودي
يا رب يا معبودي
يجعل نصيبة ليا
ليا وليا يا بنية يا واردة عالمية
ليا وحرقتي قلبي ردي السلام عليا
وردت على الصفصافي
تحلب حليباً صافي
لاهو عدل ولا انصافي
الشايب يوخد صبية
ليا وليا يا بنية يا واردة عالمية
ليا وحرقتي قلبي ردي السلام عليا
ليا وليا يا بنية يا واردة عالمية
ليا وحرقتي قلبي ردي السلام عليا
يا دار يا دار يا دار
يا دار الغوالي وين الأهل ولّوا؟
تركوني لحالي ومفتاح ما خلّوا
يا دار يا دار يا دار
مرار الليالي .... مرار الليالي بالقلب محلّه
ريحتهم في بالي.. اليرموك في بالي
امتى فيك يحلّوا؟
يا دار يا دار يا دار
من شان الله يا اخويا
ترجع لأمي وأبويا
ياخويا ارجع عنّا
خلّي القلب يتهنى
تحرم علينا الحنا
ليوم رجوعك يا اخويا
ليوم رجوعك يا خويا
من شان الله يا اخويا
ترجع لأمي وأبويا
ياخويا ارجع عالدار
قهوات ابويا عالنار
أمي تدعي ليل نهار
ليوم رجوعك ياخويا
ليوم رجوعك ياخويا
من شان الله يا اخويا
ترجع لأمي وأبويا
ياخويا ارجع عالبيت
غير عيونك ما حبيت
تحلالي الدبكة والزيت
يوم رجوعك ياخويا
يوم رجوعك ياخويا
من شان الله يا اخويا
ترجع لأمي وأبويا
من شان الله يا اخويا
ترجع لأمي وأبويا
من شان الله يا اخويا
ترجع لأمي وأبويا
- Artist:Dalal Abu Amneh