يا بلدنا يا حلوة [Ya Baladna Ya Helwa] [English translation]

يا بلدنا يا حلوة .. بالناس الحلوة

والناس الحلوة في بلدنا كتير

يا بلدنا يا حلوة .. بالناس الحلوة

والناس الحلوة في بلدنا كتير

في وشوش سمرا وجميلة تقابلهم تبتسم

أسوان والنوبة عيلة صورة حلوة بتترسم

المنيا سوهاج قنا في القلب قريبين

الأقصر أسيوط بيوت بالجدعنة معروفين

يا بلدنا يا حلوة .. بالناس الحلوة

والناس الحلوة في بلدنا كتير

خدلك هنا أحلى صورة منصورة بأهلها

دي محلة جمالها حلّى الدنيا كلها

على راس البر روح واتفرج على الجمال

أشمون واخدة العيون والقعدة هناك خيال

يا بلدنا يا حلوة .. بالناس الحلوة

والناس الحلوة في بلدنا كتير

الشرقية الأصيلة أهلي وبلد الكرم

قلبي على أرض سينا رفرف زي العلم

وحشاني يا بورسعيد .. إسماعلية كمان

يا سويس دانا اقول واعيد عن أبطالك زمان

يا بلدنا يا حلوة .. بالناس الحلوة

والناس الحلوة في بلدنا كتير

شبرا ومصر القديمة ماري جرجس والحسين

وكنيسة في وش جامع في بلدنا العيد عيدين

إطلع على الأهرامات علشان حبك يزيد

هتعيش لك أحلى يوم دي الفيوم مش بعيد

صبح علاسكندرية وعلى ناسها وأهلها

أيام غالية عليا في العجمي وشطها

مطروح مطروح كمان حبايبنا الطيبين

شايف سحر المكان هتلاقي ده كله فين؟

في بلدنا يا حلوة بالناس الحلوة

والناس الحلوة في بلدنا كتير

يا بلدنا يا حلوة بالناس الحلوة

والناس الحلوة في بلدنا كتير

يا بلدنا يا حلوة بالناس الحلوة

والناس الحلوة في بلدنا كتير

• Artist:Amr Diab