يا زارعين العنب [Ya Zare'een El Enab] lyrics

لمَ ياسهير العين ماتوهد تبيّت في تزعالي

انك من التفرقة والبين لك أيام مـسهونه

يا زارعين العنب ما باتبيعونه

___________

صبر عالصُبر ساعة عسى بعد الصُبر تشرب من الحالي

والصبر عند العرب طاعة وعقبى الصبر مضمونه

يا زارعين العنب ما باتبيعونه

___________

بلاني بهم ربي وولاهم على قلبي وهو والي

ما زال في يدهم قلبي يميتونه ويحيونه

يا زارعين العنب ما باتبيعونه

___________

ومن قال لك قاطع محبينك فقل له أنت بطالي

ما دمت في حبهم قانع وعاد النفس محنونه

يا زارعين العنب ماباتبيعونه

___________

ومن قال لك طارد وواصلهم فقل له وصلهم غالي

من دونه سهيل وعطارد ونجم الفجر من دونه

يا زارعين العنب ماباتبيعونه

___________

فؤادي وحل لكن دمعي ماوحل على الخد سيّالي

يشوف غرس الهوى ماكن بماء الود يسـقونه

يا زارعين العنب ما باتبيعونه

___________

عهودي بهم وثقى ولا اقطع منهم ظني وآمالي

من بعد موتي وأن أبقى ستبقى عندي مدونه

يا زارعين العنب ما باتبيعونه

___________

وودي لهم دائم ومعروفي وذكراهم على بالي

وبيننا عهد من قادم سبق وأسرار مكنونه

يا زارعين العنب ما باتبيعونه

___________

وكم نسأل البحري إذا نسنس علي وجنوب وشمالي

عسى عسى شي خبر سري يطمن نفس مشطونه

يا زارعين العنب ما باتبيعونه

___________

ونهدي لهم نثري ونبعث نحوهم لحني وأقوالي

عسى عسى يقبلون عذري وماقلته يفهمونه

يا زارعين العنب ما باتبيعونه

• Artist:Abu Baker Salem