Yar qasidi [Şeir:M.H.Şəhriyar] lyrics

Yar demişəm sənə mən yar demişəm

Içində gecəni gizlədən bir adam var demişəm

Sən gedənnən bəri tullamışam şeirlərimi

Bəxtiyar demişəm Şəhriyar demişəm

Nə günah eylədim ki Tanrı cəza verdi mənə?

Sənə ahuzar içində bir ahuzar demişəm

Qəlbimdə saray qurmusan daşları atəşdən

Mən əzəldən bilirəm sənsən o memar demişəm

Gözümnən axan yaşın ölçüsü az dərdi böyük

O boyda günəşi dondurur bir ovuc qar demişəm

Yar çəkən dağlara sinəm o qədər öyrəşib ki

Mən susub qalsam həmin dağlar ağlayar demişəm

Kəsilir son nəfəsim gözlərim imdad bağırır

Mən ki cəllada baxıb gəl məni qurtar demişəm

Çəkdiyim həsrət əgər səmalarda bulud olsa

Bu dünya uzun illər günəşi axtarar demişəm

Mənə üç dəqiqə bəsdir bu dünyanı ifşa edim

Bu dünya fani,biz də faniyik oxşar demişəm

Əgər ki dünya çox gözəldi desəm nə vaxtsa bil

Ki gözüm kordu,dilim laldı,qulaq kar demişəm

Cəhənnəm atəşi ən qaynar əzabdır dedilər

Yarımın həsrəti onsuz da yandırar demişəm

Onlar sevgi yalandır deyəndə susdurdum

Bizlərə eşqi satanlardı saxtakar demişəm

Nə qədər tüstü dolar ciyərlərimə bilmirəm ki

Nə zaman öldürəcək məni bu zəhrimar demişəm

Gecələr səmaya üz tutub bağırdım ismini

Bəlkə ulduzlar alıb yarə çatdırar demişəm

Yanında yarın varsa dünya dönüb cənnət olur

Yara həsrətsən əgər,dünya tarimar demişəm

Elə yazmış ki yazanlar ora dünya sığmaz

Bəxtiyar demişəm Şəhriyar demişəm

• Artist:Elvin Nasir