Yaz, şair lyrics

Verse 1:

Gəldim yenə, getmişdim,

Gəldim yenə vuruldum.

Yarıda qoyduğun gün biləklərdə qan duruldu

İçimdə bir çöküntü var, ikinci adı qürurdu

Sevirdim sənsizliyi hər dərdimi üzümə vurdu

Verdiyin sözlər belə itirib mahiyyətini

İstədim susum amma artıq alınmırdı qəti

Xüsusi qoxum yoxdur, bax üstümdə adi ətir

Saçının hər bir tonu kimi tündü xasiyyətin

Bədahətim səmimi idi, münasibət yox olmadan

İzlərin silinmir ki, xırda-xırda dolur yada

O dahi gözəl deyib yuxulu gözünü sevdiyin adam

Sənə şair oldu həm də gecələri yatmadan

Uzatmadan davam eləyim, kaş xətrimi itirməsəm

Barmaqlar daşa dönəcək, əgər əlinlə isitməsən

Sabahım zöhr olsun, şəfəqimə gəl parılda sən

Sağ yanım çürüyübdü, dustaq o biri yarımda sən

Xətrinə dəymərəm heç, bilirəm ki tez inciyənsən

Mən yox olsam illərcə sən yenə gözləyərsən

Mənə yer-göy dar gələrdi, bircə dəfə "hə" desən sən

Hər şeyin bir həddi varsa, bu şairin həddi sənsən.

Nəqarət:

Yaz, şair yaz ki, boş qalmasın vərəq

Dayanma, yaz, şair yaz ki daha da dərinə enək

Sən yaz, şair biz oxuyaq biraz kövrələk

Ondan yaz, şair məhəbbətin meyvəsini dərək

Yenə yaz, şair sığallasın yazıların külək

Özündən yaz, şair əhvalın necədi bilək

Dözümdən yaz, şair ümidlərin ölübdürmü görək

Ürəyini yaz, şair çəkinmə, yaz, şair.

Verse 2:

Çox da yaxına durma, uzaqlaş ardınca baxım

Bəlkə də sən olardın həyatımda axrıncı qadın

O qədər dibə endim ki, kədəri sətirə sancır adın

Butulkada içkinin sən sonuncu damcıları

Sancılarım daha da çökür, min bir ağrı var könüldə

Sən mənim tək dərdim, ən gözəl şad günümdə

Əlimdən su tək axdın, öldü balıqlar gölümdə

Yadımada düşmədin, çünki içkili idim ad günündə

Soldu ləçəklər gülümdə, yaşadım səncə nələr

Qəlbə dəyən misraların olubdur bir gəncə bədəl

Birinci ümid ölürsə, yaşaya bilməz öncə bədən

Otağmda da işıq yanır, hərdən bax pəncərədən

Gedərəm incimədən, qəlbini təmizlə sən

Bakını dərd eləmə, lap ölkəni tərk edərəm

Hər şeyim səninlə bağlı, əgər ki sən istəsən

Siqaret çəkmək nədir, nəfəs almağı tərgidərəm

Alınmaz həqiqətin heç nə yoluna düşmürsə

Yenə də içib şair, axşam evinə dönmürsə

Əgər ki xatirələr bakallarda ölmürsə

Deməli hələ də səni yazaram önümdə şam sönmürsə.

Nəqarət:

Yaz, şair yaz ki, boş qalmasın vərəq

Dayanma, yaz, şair yaz ki daha da dərinə enək

Sən yaz, şair biz oxuyaq biraz kövrələk

Ondan yaz, şair məhəbbətin meyvəsini dərək

Yenə yaz, şair sığallasın yazıların külək

Özündən yaz, şair əhvalın necədi bilək

Dözümdən yaz, şair ümidlərin ölübdürmü görək

Ürəyini yaz, şair çəkinmə, yaz, şair.

Verse 3:

Arzuların günəşə dönür, gecələr itir gözlərində

Səhərimi qaytar mənə, açım sənin sözlərinlə

İndiki halıma yanan yalan yalır düzlərində

Mənliyini satan aşiq yoxa çıxırdı öz əlinlə

Axtarma, sən heç vaxt tapmayacaqsan

Nədə ki, məndən özgə yar damında qalmayacaqsan

Ağzıma gələni yazıb, şah əsərim ərsəyə gəlirsə mənim

Başdan bəri bilirdim mən, ayrılanda ağlayacaqsan

Dayanma sən, məktubları qucaqla sən

Qanadım yox uçaq desən, uzaqda sən

Yaxın olaram uzaq desən

Leylim yum gözünü, açarsan mən "oyan" desəm

Lalam mən, koram mən, karı bilmirəm, hayanda sən

Aldatma, məhlədəyəm düş aşağı, hə

Yağış yağır, o qəhvəyi buludlardan yağış yağır

Elə bilirsən unutmuşam, xatirələr qarışdadır

Və mən sənə aşiqəm deyə ruhumu bağışladım

Adətən özümə güvənirəm, heç kimlə yarışmıram

Eşq elə bir şeydir ki, bütün hissləri qarışdırar

Şeirimi yazdığım qız özlüyündə çox sevinmə

Qələmin gözəlliyidir səni vərəqimə yaraşdıran.

Nəqarət:

Yaz, şair yaz ki, boş qalmasın vərəq

Dayanma, yaz, şair yaz ki daha da dərinə enək

Sən yaz, şair biz oxuyaq biraz kövrələk

Ondan yaz, şair məhəbbətin meyvəsini dərək

Yenə yaz, şair sığallasın yazıların külək

Özündən yaz, şair əhvalın necədi bilək

Dözümdən yaz, şair ümidlərin ölübdürmü görək

Ürəyini yaz, şair, yaz, şair.

• Artist:BadClause