ياللى كان يشجيك أنينى [Yelli Kan Yeshgeek Aneeni] lyrics
Songs
2024-05-09 16:11:55
ياللى كان يشجيك أنينى [Yelli Kan Yeshgeek Aneeni] lyrics
ياللى كان يشجيك أنينى كل ماأشكى لك أسايا
كان منايا يطول حنيني للبكا وانت معايا
حرمتنى من نار حبك وأنا حرمتك من دمعى
ياما شكيت وارتاح قلبك ايام ماكنت أبكى وانعى
عزة جمالك فين من غير ذليل يهواك
وتجيب خضوعى منين ولوعتى فى هواك
فضلت احافظ على عهدى واسقى الوداد دمع عينيا
لما الزمان ضيع ودي وطول البعد عليا
صبحت أحب الحب من بعد عشق الحبيب
اهنى كل قريب واواسي كل غريب
اضحك مع الفرحان وابكى مع الباكيين
وأبات وانا حيران أضحك وابكى لمين
وفضلت أعيش بقلوب الناس وكل عاشق قلبى معاه
شربوا الهوى وفاتوا لى الكاس من غير نديم أشرب وياه
ياللى بكايا شجاك وسمعت لحن الغزل
من طول انيني
ياما بكيت من جفاك وضحك لى طيف الأمل
من بين جفونى
لما نسيني رضاك والبعد طول جفاك
عطف حالي على قلبي وعزاني فى تلويعي
صبحت أبكي على حبي وتبكي انت على دموعي
- Artist:Oum Kalthoum