Юксынам, әбием [Yuksınam, əbiyem] lyrics

Син утырткан балан шау чәчәктә,

Хушбуй исе тулган дөньяга

Дускайларың моңсар сандугачлар

Язлар килүенә куана

Әбием, бәгърем, син юк инде,

Әбием, мин сине шундый сагындым

Юксынудан юк шул дәвалары,

Җылысы юк синсез язымның

Кышкы юлны чана эзе бизи,

Баланыңны көмеш кар сарган

Син яраткан алсу алмаларың

Башын иеп тора урамнан

Җәйге таңда чыбыркы тавышы

Ишетелми инде авылда

Синең кебек җырчы-сандугачны

Урман-болыннары сагына

• Artist:Guzel Urazova