Lassa pur che 'l mund el disa [ma Milan l'è on gran Milan] [Italian translation]

Se sa che a parlà de Milan se fa minga fadiga

Con tanti argoment per i man el discors el scarliga

Ciappem per esempi i semafor, che gran maraviglia

Te par de vedè tanta gent a ballà la quadriglia

Lassa pur che 'l mond el disa, ma Milan l'è on gran Milan

Pòrta Cicca e la Bovisa, che i dintorni pròpi san

E la nebbia che bellezza, la va giò per i polmon,

E quand fiocca, che giòia, gh'è 'l Parco e i Bastion

Per scià senza andà al Mottaron,

Fa nagòtt se poeu pioeuv e andemm giò a tomborlon

In la poccia a poccià el panetton

Se sa che a Milan gh'è in progett la metropolitana

Però ogni dì 'sto progett semper puu el s'allontana

In cambi nun semm che in pittura Milan l'ha faa scoeula

Gh'è intorna domà cartellon del formagg Gorgonzoeula

Lassa pur che 'l mond el disa, ma Milan l'è on gran Milan

El Carròbbi, la Via Brisa e el carrett dei ciappacan

Se te vet sul Monte Merlo, par de vess a Saint-Vincent,

Cosa l'è Monte Carlo, Sanremo e Menton

In confront de l'Olòna e 'l Tombon?

A Paris gh'è la Senna

E 'l Danubi l'è blu

Ma a Milan gh'è el navili e poeu puu

Lassa pur che 'l mond el disa

Ma a Milan se stà benon

On bel piatt de busecca con dent i borlott

E on òss buss cont intorna el risòtt

E on litròtt de quel bon, cont on bel minestron

Fann content ogni milaneson

• Artist:Giovanni D'Anzi