Ich het an si gewendet [Der Gimpel Gempel] lyrics

1.

Ich het an si gewendet.

gar allen minen muot.

ich wande ich hetz vol endet.

si sprach wa ist daz guot.

ich kan iu niht gezeigen.

des minen guotes mer.

wan riuwental ist min eigen.

daz braht min muoter her.

frowe daz wil ich iu gippen gappen.

herre daz sult ir iu hippen happen.

2.

Der ich mich mit willen

ie zedienste bot.

an der han ich ersehen

einen giurtel rot.

swas ich ir gewinke.

das ist ir an mich zorn.

glesin ist diu ringge.

von kupfer ist der dorn.

ich nam sin war es was ein smaler riemen.

den braht ein ritter her von wiemen.

3.

Ich kom ir nach geslichen.

in ein fiur holz.

ir fröide div was michel

bi einen ritter stolz.

ich kom dar nach gegangen.

des wart ich unfro.

div wile wert vnlange.

nider druht er si do.

er gab ir schiere in ir wissen hentel.

eines heisset man

den gimpel gempel.

4.

Do si den gimpel gempel.

in di hant genam.

si fast in an das wempel.

er druht in durch die gram.

nu ruera du den hozel bozel vaste.

daz der gimpel gempel iht geraste.

urra

burra

wer gat da.

• Artist:Neidhart von Reuental
• Album:Codex Manesse